Upinzani kushutumu ongezeko idadi ya wakimbizi na wanasiasa wanatoroka nchi

Upinzani wa kisiasa nchini DRC unapaza sauti yake. Katika taarifa ya pamoja,viongozi kadhaa na vyama vinavyopinga serikali vimeshutumu kile wanachokiita "sababu kuu" za mgogoro wa pande nyingi unaotikisa nchi. Wametaka suluhu la kina na hasa kuanzishwa kwa mazungumzo ya kisiasa ya dhati ya kitaifa na jumuishi taarifa hii ilitiwa saini na viongozi wengi wa upinzani isipokuwa Martin Fayulu.

Wito wa mazungumzo haujawahi kutokea lakini wakati huu upinzani unasisitiza juu ya ukweli wa mchakato huo. Kulingana na wao, serikali, huku ikionyesha kuunga mkono kipimo kwa mpango wa upatanishi ulioanzishwa na makanisa ya Kikatoliki na Kiprotestanti, inatafuta nyuma ya pazia kuwashawishi wawezeshaji kwa kuweka masharti ambayo yatatilia shaka kutoegemea upande wowote.

Upinzani unaonya dhidi ya kile unachoelezea kama "mazungumzo ya upande wa mbele" yaliyokusudiwa kuhalalisha uanzishwaji wa serikali ya umoja wa kitaifa, bila mjadala wa kidemokrasia wa kweli.

Upinzai unataja kwa uwazi mfululizo wa dhuluma ambazo unaamini ndiyo chanzo cha kukosekana kwa utulivu nchini DRC, kama vile kurudi nyuma kwa demokrasia, ukiukaji wa mara kwa mara wa Katiba, unyanyasaji wa wafuasi wa upinzani wakosoaji a serikali, ufisadi ulioenea, upendeleo, na ukabila.

Matatizo haya, kulingana na upinzani, yanachochea machafuko na ghasia, zaidi ya mvutano na nchi jirani ya Rwanda. Machoni mwao, ongezeko la idadi ya wakimbizi wa ndani, wakimbizi, na wanasiasa wanaotoroka nchi, leo hii inawakilisha mojawapo ya dalili za kubwa za mgogoro uliokita mizizi.

Kama sababu hizi za ndani zitakuwa bado hazijashughulikiwa kwa uzito na kwa kina, wanabaini, amani ya kudumu itabaki kuwa udanganyifu. Kwa hiyo upinzani unataka kuwepo kwa mazungumzo ya kweli ya kitaifa, kwa lengo, unasema, "kuirejesha nchi kwenye njia ya demokrasia na amani ya kudumu."