Yaibuka maswali kuhusu Paul Biya kugombea kiti cha urais

Rais wa Cameroon Paul Biya alitangaza kwenye akaunti yake ya Twitter kwamba anagombea tena uchaguzi wa urais wa Oktoba 12 mwaka huu Tangu wakati huo, hisia zimekuwa zikiongezeka kuhusu umuhimu wa mgombea huyu, kwa kuzingatia umri wa miaka 92, mtu ambaye ameiongoza Cameroon kwa miaka 43. Kumekuwa na mijadala, lakini pia maswali kuhusu kile kinachoweza kuhusisha kampeni ya Paul Biya.

Swali la kwanza ni lini mgombea urais atajitokeza hadharani tena? Tangu Mei 20, 2025, sikukuu ya kitaifa ambapo aliongoza sherehe hizo, Paul Biya hajaonekana hadharani. Na hotuba yake ya mwisho ya hadhara ilikuwa nyuma kidogo, mnamo Februari 10, katika mkesha wa maadhimisho ya Siku ya Vijana. Rais amejaribu kuziba hali hii ya kutoonekana hadharani kwa kuandika jumbe kwenye mtandao wa kijamii wa X kila siku, akishiriki mawazo yake na raia wenzake.

Ikiwa mwaka wa 2018, alichagua tena kutangaza kugombea kwake kupitia mitandao ya kijamii, je, inawezekana kwake kuzungumza katika siku zijazo? Hakuna kinachoonyesha uwezekano kama huo. Ingawa Katibu wa mawasiliano wa chama chake cha CPDM katika ngazi ya kitaifa, Waziri Jacques Fame Ndongo, hivi majuzi alisema kwenye RFI kwamba "chochote kinawezekana" kuhusu suala hili, Biya binafsi aliongoza mkutano mmoja tu wakati wa kampeni za uchaguzi wa urais wa mwaka 2018. Ilikuwa huko Maroua, kaskazini kabisa mwa nchi. Nini kitatokea mwaka 2025? Hakuna ratiba rasmi ambayo imetangazwa, lakini mgombea wa CPDM anaweza, kulingana na habari ambazo bado nisiri, kufanya angalau hatua mbili. Ya kwanza katika moja ya mikoa mitatu ya kaskazini ambako serikali ilipoteza washirika hivi karibuni, na ya pili ikiwezekana katika mojawapo ya mikoa miwili inayozungumza Kiingereza ambayo inakumbwa na mgogoro. Msururu mrefu wa dhana dhahania miezi michache tu kabla ya uchaguzi wa urais ambao huleta sehemu yake ya kutokuwa na uhakika.