Soma Habari Husika

Sudan yalia na mlipuko wa kipindupindu pamoja na baa la njaa

• Na Jembe Digital
• August 8, 2025

SHIRIKA la Afya Duniani (WHO) limetangaza kuwa takribani watu 100,000 nchini Sudan wameambukizwa ugonjwa wa kipindupindu tangu mwezi Julai mwaka jana.

Mkurugenzi Mkuu wa WHO Dk. Tedros Adhanom Ghebreyesus, amesema Sudan inakabiliana na changamoto kubwa ikiwemo baa la njaa na mlipuko wa magonjwa mbalimbali, huku kipindupindu kikiendelea kusambaa katika maeneo mbalimbali ya nchi hiyo.

Akizungumza kwenye mkutano wa waandishi wa habari wa Umoja wa Mataifa (ACANU) uliofanyika mjini Geneva, Dk. Ghebreyesus alisema kampeni za chanjo dhidi ya kipindupindu zimefanyika katika majimbo kadhaa, ikiwemo mji mkuu wa Khartoum, ili kudhibiti kuenea kwa ugonjwa huo.