Burundi yapendekeza Macky Sall kuwania nafasi ya Katibu Mkuu wa Umoja wa Mataifa

Burundi iliwasilisha jina la Macky Sall kugombea kwenye nafasi ya António Guterres kama Katibu mkuu wa Umoja wa Mataifa. Katibu Mkuu mpya wa Umoja wa Mataifa atateuliwa Januari 1. Rais huyo wa zamani wa Senegal anajiunga na wagombea wengine wawili walioteuliwa kwa sasa: Rais wa zamani wa Chile Michelle Bachelet na Mkurugenzi Mkuu wa Shirika la Kimataifa la Nishati ya Atomiki (IAEA), Rafael Grossi, raia wa Argentina.

Rais wa zamani wa Chile Michelle Bachelet na Mkurugenzi Mkuu wa Shirika la Kimataifa la Nishati ya Atomiki (IAEA), Rafael Grossi wa Argentina, wote wanatoka Amerika Kusini, eneo linalotaka kupata nafasi ya Katibu Mkuu wa Umoja wa Mataifa wakati huu.

Mataifa mengi pia yanatetea mwanamke ateuliwe kwa mara ya kwanza. Hata hivyo, Macky Sall hafikii vigezo hivi. Wafuasi wake wanaamini kwamba katika hali ya sasa ya kijiografia, ana nafasi kubwa ya kupata nafasi hiyo.

Ingawa Baraza zima la Usalama litachagua Katibu Mkuu ajaye, ni wanachama watano wa kudumu, wenye mamlaka yao ya kura ya turufu, ambao wataamua ni nani atakayeongoza Umoja wa Mataifa. Washauri wa Macky Sall wanajua hili na wanasisitiza, kwanza kabisa, kwamba hana migogoro ya kibinafsi na kati ya kundi la nchi zote tano za "P5", kwani China, Marekani, na Urusi zinaweza kuwa na tafauti zao za kulipiza kisasi hasa.

mwanamke anaweza kuongoza Umoja wa Mataifa?

Rais wa China Xi Jinping aliongoza Jukwaa la China-Afrika pamoja na rais wa zamani wa Senegal, Macky Sall, na Vladimir Putin alithamini kutoegemea upande wowote na kujizuia kwake wakati Baraza la Haki za Binadamu lilipotaka kuiwekea vikwazo Urusi. Zaidi ya hayo, muundo wa Baraza la Usalama unaweza kuwa mzuri kwa mkuu wa zamani wa nchi wa Senegal: wanachama watatu wa Afrika wamo katika Baraza mwaka huu, na Bahrain na Pakistan zote ni wanachama wa Shirika la Ushirikiano wa Kiislamu, shirika ambalo Macky Sall analijua vyema.

Inapotajwa kwamba yeye ni mwanaume, huku kwa miaka kumi iliyopita kukiwa na minong'ono katika Umoja wa Mataifa kwamba ni wakati wa mwanamke kuongoza shirika hilo, jibu ni kwamba Washington itamkataa mgombea yeyote mwanamke, na kwamba Michelle Bachelet, kwa vyovyote vile, hapendwi na China na Urusi.

Licha ya shutuma zinazotolewa dhidi yake na rais mpya wa Senegal za utovu wa nidhamu katika usimamizi wa mambo, kutoka Global South, Macky Sall anakusudia kuwania kama mgombea wa makubaliano—dhana ambayo haipo katika Umoja wa Mataifa kwa angalau miaka mitano. Hatua yake ya kwanza itakuwa kupata uidhinishaji wa ugombea wake na Umoja mzima wa Afrika.

#10YrsJembefm #Familiamoja #AhsantekwaTime